स्टार खबर
पौष-२८ सिरहा।
नेपाली सेनाले सिरहा जिल्लाको कर्जन्हा नगरपालिका वडा २ र ३ का अति विपन्न दलित समुदायका ३५० परिवारलाई न्यानो कम्बल वितरण गरेको छ।
शनिबार चोहर्वा स्थित रहेको श्री नन्दा बक्स गण ब्यारेकको सहकार्य र कर्जन्हा नगरपालिकाको आयोजनामा यी कम्बलहरू वितरण गरेको थियो।
कर्जन्हा नगरपालिका वडा-३ को वडा कार्यलयको परिसरमा आयोजित कार्यक्रममा श्री नन्दा बक्स गणका गणपति प्रमुख सेनानी सुमन श्रेष्ठ,कर्जन्हा नगरपालिकाको उप प्रमुख लक्ष्मी श्रेष्ठले गरिव ,दलित ,अति बिपन्न समुदायका घरपरिवारलाई कम्बल प्रदान गरेका थिए।
सेनाले प्रत्येक वर्ष शीतलहर प्रभावित बस्तीका अति विपन्न परिवारलाई कम्बल वितरण, चोकचोकमा आगो बाल्ने र बटुवालाई तातो चिया खुवाउने कार्य गर्दै आएको छ।
जनताको दुःखमा साथ दिन गरिब बस्तीमा कम्बल वितरण गरिएको गणपति प्रमुख सेनानी श्रेष्ठले बताए।
सिरहाका गाउँबस्तीमा पुसको तेस्रो सातादेखि बाक्लो हुस्सु र चिसो हावाका कारण सर्वसाधारण कष्टकर अवस्थामा छन्।
यस अवस्थामा सेनाले गरेको यो सहयोग सराहनीय रहेको स्थानीयहरु नेपाली सेनाको यस्तो कार्य प्रती खुशी व्यक्त गरेका थिए ।
Your email address will not be published. Required fields are marked *
